ديوان بني سويف ... أرض الكنز المفقود

تعالوا بينا ناخد سفينه          ونلف بيها في نهر النيل

هنشوف مدينة قمر وزينه       ولحسنها هنقول مواويل

صحيح ماهياش لا مصيف ولا هى ميناء ولا حتى للسياح مزار

لكن أهلها لهم طبع أصيل صغار وكبار

تسأل عليها لا هى بحري ولا هى صعيد

زي كل شيء جميل موزون وزي ما بنقول

خير الأمور في أوسطه والوسط حنون 

مركز بلدنا المحروسه تروح شمال هتعديلها

وتروح جنوب تيجي عليها

ترتاح وتاخد من خيرها

مايه وخضار !!

تعالى هتشوف جمال من طابع خاص

الأهل والعيله واللمه

دول طبع أصيل

ما هي واخده أكبر نسبه ومساحه من نهر النيل

أرض الكنوز اللازوردية اسمنت رخام وكمان مرمر

وهرم ميدوم يعيش لينا ويدوم

شاهد تاريخها وعراقتها 

احرسها يا رب وخليها ... "بني سويف" لينا  ... أحلى مدينه

كلمات شاعرة الطرق "ياسمين قطب فرج"

وصف مبدعى بنى سويف

وصف مبدعى بنى سويف (تكملة)

ياسمين قطب فرج عابدين (زهرة المعاني والكلمات)

1- حال الدنيا

الدنيا دى مسرح كبيرْ

والشجاع فيها بطلْ

هتعيش جبانْ

هتموت جبانْ

هتروح ولا تخلف اثرْ

الناس تقول شاطر ده اللي بقوته بيحمى نفسه

والفهلوي بياكلها والعه

والغبي ساب هيلمانه ومات منتحرْ

دنيا غريبة والأغرب منها اللي يعيشوها

فيها اللي نام ظالم أخوه وضحك عليه

واللي اتظلم وما بيدوا حيله

فيها الغنى وفيها الفقيرْ

فيها المنافق واللي صادق واللي صان نفسه ولسانه

واللي قرر يبقى بغبغانْ

ماله كيان بيردد وله مليون لسانْ

دور تلاقى من الوشوش كتير ميتعدوش

كمان تلاقى فيها الملك وفيها الوزير وفيها الغفيرْ

وفيها اللي بات من غير عشا من غير غطا من غير سريرْ

من غير دواه من غير سكنْ

وسكن ولاده بين ضلوعه فى الحضن الكبيرْ

لحظة يا خلق...

اسمعوني وافهموني

يمكن أقول كلمه فيها المفيد

ربك يا عبد لما وهب الكون ده كله وخلقنا فيه

كان قصده نبني مش نهدْ

ولما (قابيل) قتل (هابيل) الشر في الكون اتولدْ

ربك خلقنا بكل لون وعلى كل شكل في حد نفسه بتأمره دايما بخيرْ

وفيه اللي نفسه هتاخده لجهنم وله السعير وبئس المصيرْ

قصدي يا خلق إن الخلايق متشكلين من ألف مليون م السنينْ

والاختلاف في الكون دا رحمه وكمان له حكمه

والعاقل اللي بفطنته يفهم ويوعى

وعشان كده لما تلاقيك صادق حنونْ

وأخوك يخونْ

لا تندهش....

واعرف أن اللي سوى الصدق هو اللي ميزه بوجود خيانه

واعرف كمان ان اللي كنت بتعلمه بحياتك

هيبان يوم القيامه

ساعتها هتحس برضا

وبعدل من الرحيمْ

هتعيش مابين الناس سعيدْ

مبسوط أكيدْ

طول منتا ماشى مستقيم

دنيتنا سهلة عيشها كده

بحلوها ومرها

 ما هي كلها أيامْ

ولا تلاقيك عايز تعيش على طول الزمانْ

الفرق انك لو نويت فيها تعيش....عيشها بجدْ

ازرع هتحصدْ

أن خير ف خير...وان شر ف شرْ

اعمل ليوم الحشر وارضى بقسمتك

واصحى قوام اوعى  تنتظرْ

وافتكر انك هتلقى الله في يوم عظيمْ

اختار ...

تحب تكون كريمْ ؟

ولا تحب تكون لئيمْ ؟

وساعتها هتتفضح بين البشرْ !!

ياسمين قطب فرج عابدين (زهرة المعاني والكلمات)

2- بنوته حلوه

بنوته حلوه

بس غير كل البنات

حلمت فى يوم بإنها أميرة الأميرات !!

فضلتْ تعيش فى حلمها

وفى حضن الليل تباتْ

وفى يوم صحت على صوت غريبْ

جاي من الشباك ...

صوت لها زأزأ لها ... وقالها:

يا حلوه ليه تستعجلي؟

دى الدنيا ليكى بتبتسمْ

عيشى فى سنك وأمرحي وأفرحي

دنيتنا دنيا صغيره

قعدت تفكر وبسرعه راجعت نفسها

وقالت:صحيح

ضفايري ليه انا أقصها؟!

وبراءتي ليه انا أمسها ؟!

دى طفولتي نعمه من السما

انا أنتظرْ .... ومسيرى أكبرْ

والحلم اللى كان مستحيلْ

يصبح قريبْ

انا اجرى العب واتبسط

ذى البنات فى سننا

وبكرة هأقول:

ياريتنى كنت صغيره

ياريت فضلت صغيره

قطع الكلام

صوت البنات أصحابها الصغيرين

نادوا عليها .... قالتلهم: انا جايه

أوعاكوا تفوتوني

انا جاية العب واتبسط

وأعيش فى سني وفرحتي

لبست جونلتها اللى بتدور فى الهوا

والتوكه اللى بتنور شعرها

وجرت قوام تلحق صحابها

وتعيش معاهم سنها

وقبل ماتنسى أتنبهت وأتلفتت

ونادت على عصفورها وقالت: متشكره !!

لولاك ما زأزأتلي ونبهتني

وقلتلى ليه تستعجلى ؟

لكنت تايهة وحايرة

وكنت فوت الصحاب

وراحت علية اللعبة اللى بحبها !!

ياسمين قطب فرج عابدين (زهرة المعاني والكلمات)

3- عرفتك ... ما عرفتك

ما عرفتكِ ِمخادعةْ ..... ما عرفتكِ منافقةْ

عرفتكِ فى الطريق القويم المستقيمْ

عرفت فيكِ الود ليس له حدودْ

عرفت فيكِ الزهروالرياحين والورودْ

عرفت فيك ِالسهد وباقى مفردات الغرامْ

عرفت فيكِ العشق والعشاق والهيامْ

عرفت فيك ِكلمات وأحاديث الشعراءْ

عرفت فيك ِقلب الأطفال الأبرياءْ

عرفت فيكِ ضمادة تداوى الجراحْ

عرفت فيك ِبسمة ترسم على الشفاه

عرفت فيك ِسكون مياه الأنهار والبحورْ

لم أدرِ  أن البحر يغلى ويفورْ

عرفتك ِقلبا أبيضًا صافيًا

عرفتك ِبرعما أخضرًا ناميًا

عرفت فى صمتك الحب ولغة العيونْ

عرفت نوعا من الكلمات ينتقل فى سكونْ

كنتُ أسمع فيك ِصوت تغريد الطيورْ

كنتُ أرى فيك ِصفاء أصداف البحورْ

كنتُ أشم فيك ِعبير عطر الزهورْ

كنتُ ألمس فيك ِجمال بنات الحورْ

عرفت ُمن نغمكِ صوت البيانو والكمانْ

عرفتُ فيك نوعًا خاصًا من الألحانْ

رأيتُ فيكِ الطير .... النجم .... القمر

عرفتُ فيكِ العشب .... النبت .... الشجر

لمْ أدر ِ أن بداخلك ذلك الشيطان الصغير

لم ْ أعِ كلماتك حين قلتِ: سأحلق وأطير

قدْ قلتِ لى من قبل ُ: ( سنبقى معًا للأبد...) !

وقلتى: لن يفرقنا أحد .... قلتى .... وقلتى ....

كنتُ أظن أنك ملاكي !!

ولمْ أتخيل أنك تخططينَ لامتلاكي !

ظننت فيكِ الطُهر والبراءة والوفاءْ

ظننت فيكِ الصدق والإخلاص والإيخاءْ

أغمضتُ عينى دوما عن هفواتك بأعذارْ

فكلنا لا يلقى هما ولا بالاً لأخطاء الصغارْ

لم أعرف أنها أخطاء مقصودة ومدروسةْ

لم أعرف ان لجذور الشر فيك خيوط ممدودة

كنت قد عزمت السفر معك فى جميع البلدانْ

وإلى آخر البلدانْ

وظننتُ أن الرحلةَ ستنتهى بنا فى بلادْ....

بلاد ليس بها سوى الحب والمحبين الأنقياءْ !

والعشق والعاشقين الأتقياءْ

ظننتُ ان الدنيا ستحلو بالقرب منك

وانى سأهنأ بالعيش معك

ولكننى أستيقظتُ

وأفقتُ ُمن حُلمي ....

ووجدتُ أن كل ما حلمتُ به هو نوعٌ من الأوهامْ

وأنى ما أُمسكُ بيدى سوى السرابَ والأحلامْ

وأنه لم يبق لى سوى الآلامْ

وجدت أن الحب ليس له أثرْ

وان ذلك النوع من الرحلات اندثرْ

وأنه لم يبق إلا الشر وبلاد الأشرارْ

وأننا نسينا كوننا بشر !!

ياسمين قطب فرج عابدين (زهرة المعاني والكلمات)

4- أين الحــــــــــياة؟؟

يا من تحلُم بالتفاؤلْ ....

أين السعادة التى تدعى؟؟

هذه الحياة ما هى إلا نكدٌ وكدٌ

أصبح الإنسان أشلاءَ إنسانْ !

قد صرنا أشبه بالذبابْ

نعلو .... نحلق .... نرتفع

ثم ما نلبثُ أن نهوي وننطرحْ

الرؤيا أضحت ضبابْ

والهواء اصبح فسادْ

حتى القلوبْ .... صارت خرابْ

زاد الخداعْ .... وضع القناعْ

أُكل الحملْ .... وأنتصر السباعْ

غرقتْ ليالينا فى ظلام دائمٍ

أما النهارْ .... حر ونارْ

عم فى الكون التهورْ

وما نملك سوى التذمرْ

كلنا نسعى تائهين وحائرينْ

الكل يسأل .... إلى أين؟!

أليس الميتون فى هناءْ؟؟

أليس التراب هو الدواءْ؟؟

أين الرضا ؟! .... وأين الأملْ ؟!

أما سمعنا المنادي يقول: "حى على الفلاحْ" ؟!

حى على العمل ....

إذا فقدنا الصبر .... لن يبقى لنا سوى القبر !!

غريبة ٌ حقا هذه الحياة

تضحك فى وجوهنا برهة

ثم ما تلبث ان تدير لنا الظهور فى غمضة عين

تنكشف الحقائق التى هى عناد وسواد

حتى الأماني صارت رماد !!

عم الصراعْ .... ساد النزاعْ

حب وأمانْ ....كلها اوهامْ

ها هى حياتنا .... نحياها

ما ندرى حقا ماهى  !!

ياسمين قطب فرج عابدين (زهرة المعاني والكلمات)

5- خساره ....

خساره ....

 يا خساره يوم لعمرى ضياعْ

فى كلام ساحر/ أوهام وخداعْ         

بعد ما قلبك ليا ما باع ْ

كل امالى فى حبك ضاع ْ

مش هتندمْ تانى لهجركْ

مش هتجرح من طول بعدكْ

ما أنا قلبى اتعود على غدركْ

مش هرجع من تانى اشتاقلكْ

مش راح أأسي

 ومش هتألمْ

 يمكن قلبى فى يوم يتعلمْ

يتحمل قسوه نسيانكْ !

ويكمل ايامه فى بعدكْ

كانت صعب عليه فراقكْ

كان الدمع بيشكى ألامكْ

لكن قلبى بأيدى انا دوستوا

 ونسيت الجرح اللى كواني !

مش هتنازلْ

 مش هستسلمْ

 حتى ولو فى بعادك موتي

مش هارجعلك تانى وأسلمْ  

لأ دا أنا هبعد وأختار هجركْ

بس هقولكْ كلمه وهامشي

 أدي الدنيا أهي بيني بينكْ

أنا همشى وهسيبك وحدكْ

فووق وأرجع من تانى لعقلكْ

فووق وأرجع بس عشان نفسكْ

 لكن انا قلبى وحبى أستهلكْ

بعدكْ / هجركْ / كرهكْ / كذبكْ

هم اللي فضلولى من صورتكْ

ونصيحه فصيحه من واحده جريحه

تيجى تختارْ ... اختارْها بعقلكْ

ياسمين قطب فرج عابدين (زهرة المعاني والكلمات)

6- صديقي

صديقي.... حبيبي لى بعد الروحِ روحْ

صديقى من بعده بالسر لنْ أبوحْ

أختنق الصدرُ بالغضبِ كظما

فوجدت صدر صديقى لى مشروحْ

ليالى مظلمة، ....أهوالٌ ومصاعب

واجهتها..... وكان صديقي لى ملجأ كسفينة نوحْ !

جرحت الدنيا مشاعرى, شلَّتْ كياني

وكان صديقى لجرحى مجروحٌ !

غدوت بالهم كمدا ،.. ونمت وحيدا

وكان صديقي معي حيثما أغدو وأروحْ

تهت بدهاليزِ الحياةِ فلمْ أجدْ لي من ناصحٍ

وكان صديقي لى خيرَ نصوحِ

هبت رياح الحياة

وكادت تودي بسفينتى !!

فكان حضن صديقى لي مرسا مفتوحْ

تعبت من النداء والصراخ والعويلْ

فكان صوتُ صديقي لصوتي مبحوحْ

فلينظر أحدكم من يخاللْ

طالحٌ أم صالحٌ ؟

فإنكَ على دينِ خليلكَ موضوعْ

فبصداقتكَ لصديقٍ لك عند الخلق كلامْ

وعلى سير الناس كنت مزموما أو ممدوحْ

فالصديقُ قبل الطريقِ لهُ عليكَ واجبٌ

ولك عليه دائما حقوقْ  وصلوح                  

صديقى بالروح أفديهِ ..... فى الحقِ أوفِّيهِ

صديقى لحسنِ حالهِ .... حاليٍ مصلوحْ

أحمد عبدالله علي أحمد الهواري (الباحث عن الحكمة)

1- آلام شاعر

أحمد محمود عبدالحميد مسعود (الماسي)

1- الوداع الأخير

رأيتُها على الأكتافِ محمولة

وعيناي تذرفان بالدموع ْ

وكأنها ملكةٌ وسط حاشيتها

والملك على عرشه مرفوعْ

المكان ُكله مضيءٌ

ومُنوَرٌ بالقناديل والشموعْ

فنظرتٌ إليها نظرة يائس ٍ

ولسان حالي يقول متى الرجوع؟

فرحت أصرخُ وأصرخُ وأصرخُ

لكن صوتي غير مسموع

وأردت أن ألحق بها في موكبها

لكن الجسد كله موجوعْ

فتنبهت ُلحظتها من غفلتي

والقلبُ مما رأى مفزوعْ

فقمت مسرعا الى غرفتها

فوجدتُها قائمةً تصلي في الركوعْ

فدنوتُ منها على أناملي

وجلستُ أرقبها في خشوع

حتى أذا فرغت من صلاتها

قبلتُ يدها وقصَصْتُ لها الموضوعْ

فمسحت ُبرفق على رأسي

ولمحت في عينيها دموع

فعلمت أن ما رأيته لم يكن

مجرد حلم مقطوع

غفر الله لأمي ورحمها

فقد تحققت الرؤيا بعد أسبوعْ

أحمد محمود عبدالحميد مسعود (الماسي)

2- أنا عارف

أسماء السيد عبدالكريم أحمد (شاعرة في الطريق)

1- أبحث عنك

أبحثُ عنكَ بين سطور أوراقي

في معانِ الحبِ وكلماتٍ

تأتى بك إلىَّ وتجدني أبحثُ في الطرقات

أبحث ُعنك في كلام العيونِ

في حالات الشجونِ

أبحثُ عنكَ في منامي وأحلامي

في صحوي ، وفى كلامي

أبحث عنك فأنتَ حبُ مجهولْ

وأعلمُ أنْ انتظاري لن يطولْ

أبحثُ عنك في عيون الناسْ

في بحورِ الإخلاص والإحساسْ

أبحث عنك صدقا فيكَ

أملاً في أن ألاقيكَ

أبحث ُعنك في نظراتي

في لهفةِ قلبي وهمسات ِ

أبحثُ عنك في كل كلمةٍ أكتُبُهَا

وكل إحساسٍ بالرضَا أحياهُ

أبحثُ عنكَ في لحظةِ أملْ

في بسمة فجر قد أهلْ

أبحث عنك ولقد ارتضيت الانتظارْ

ولا أعرف الانكسارْ

حلم ٌ وسوف أحياه

حبٌ أتمناه وسألقاه

أسألتي عنك كثيرة

وفكرتي عنك جميلة

فأنا أبحث عنك لشعوري بقربك

ليقيني بوجودكَ وحبك

وسأبحث عنكَ في كل ما أُحبهُ

في كل ما أحسه وأودهُ

أسماء السيد عبدالكريم أحمد (شاعرة في الطريق)

2- أمي الحبيبه

هحكيلكم أجمل حكايه

أكتبها في مليون روايه

حكاية أم مصريه

عشقاها والله عنيه

الحب ساكن قلبها

وهدفها إسعاد أهلها

تعمل مهما تعمل فيه

هفضل عايش بحبها

تغضب عليَّه وتزعل شويَّه

وترجع تانى تحن عليَّه

حبها ديما بيدفيني

وحنانها على طول يرويني

وهتفضل ديما تديني

وهتفضل ديما تحميني

من غيرها أنا ما أسواشي

وفى بعدها عمري ما يحلاشي

يا أجمل ما شافت عيني

يا أحلى وردة في بستاني

بهديلك من قلبي سلامْ

وكمان من عيني كلامْ

وبقولك بحبك يا غاليه

هقولك دا أنتي اللي ليه

وأقولك ارضي عني

وأوعي تزعلي مني

دا أنتي رضاكى من رضا الربْ

وحبك ليه أعظم حبْ

يا أجمل إسم بنطقه أمام الكلْ

يا حبيبتي يا ست الكلْ

 يا أمــــــــــي

أسماء السيد عبدالكريم أحمد (شاعرة في الطريق)

3- شاعرة في الطريق

شاعرة ٌفي الطريقْ

أحملُ في يدي شُعلةً

وأبغي مَنْ يضئ

بالأمس كان شعري في الظلامْ

لا يعرف النور المضئ

واليوم قد بدأ الطريقْ

شاعرةٌ في الطريقْ

بالأمس كانت نفسي هي الرفيقْ

واليوم وأنا في الطريقْ

لم يعد لي رفيق بل ...  مليون رفيقْ

عرفوا مثلى الطريقْ

شاعرة في الطريقْ

بالأمسِ ارتضيتُ السكونْ

واليوم سأنقل شعري للكونْ

سيقرأ الناس أشعاري

ولن يعرف شعري العزلة والضيقْ

شاعرة في الطريق إليكمْ

إحساسي وقلمي إليكم ومنكمْ

فهل تقبلونني كمبدعةٍ

ستبدأ اليومَ الطريقْ ؟؟!

أسماء السيد عبدالكريم أحمد (شاعرة في الطريق)

4- شفتوا نبينا ؟!

شفتوا نبينا بهداه اقتدينا

وهو الكمال وهو حب نوَّر ليالينا

شفتوا نبينا وأخلاقه

وبهاءه وحسن صفاته

دا قدوة لكل مسلم فينا

وعشانه ندافع عنه بأرواحنا ونفديه بعنينا

شفتوا نبينا غالى علينا

وبنحلم نقبله في الجنه ونملى برؤيته عنينا

ومهما قالوا عنه كلامْ

هيفضل ديما خير الأنامْ

شفتوا نبينا سيد المرسلينْ

دا رحمه من رب العالمينْ

والله حبه زاد لينا

وإسلامنا ده تاج علينا

شفتوا نبينا وجمالهْ

قمر وبدر هل هلالهْ

دى رسالته جابت الخير لينا

وربه اختاره عشان يهدينا

عشان يعرفنا فين الخير لينا

ويبعد الجهل والشر عن عنينا

شفتوا نبينا دا غالى علينا

ورحمه من المولى لينا

نصره بكره على إيدينا

وعشان حبه قولنا وغنينا

وعليه على طول صلينا

أسماء السيد عبدالكريم أحمد (شاعرة في الطريق)

5- كُلنا شعراء طرق

كُلنا شعراء طرقْ

ودا حلم وجمعنا كلنا

وكمان عشناه بقلبنا

واتمنينا إن الكتاب يضمنا

ويجمع أعمالنا كلنا

وكُلنا شعراء طرقْ !!

خطوة بخطوة ابتدينا

حقيقة وبتتبنى على أيدينا

وفى بداية الطريق سمينا

وأتوكلنا على المولى وهو اللي حمينا

وكُلنا شعراء طرقْ !!

فكره قدمها كاسب وكانت فكره بريئه

ما كانتش حلم دي طلعت حقيقه

ومعاه أعضاء لجنة عمر وياسمين وناهدْ

ومحمود ومحمد جايين ومعاهمْ

فِكر وعمل وحياه وأيدين بتساعدْ

عشان نبنى بكره ونعيش الحلم الواعدْ

وكُلنا شعراء طرقْ !!

والشعر هو حياتنا وهو اللي هيضئ لينا بكره الطريقْ

وشموع أمل بكره هتنور الكونْ

وتتضحك لينا الدنيا  ونعيش لحظة جنونْ

وبكره بكتابنا جايينْ

عشان نقدمه للملايينْ

وتعالوا شفونا واسمعونا

شعراء طرقْ ومش راح تنسونا

أسماء السيد عبدالكريم أحمد (شاعرة في الطريق)

6- الحب اللي بجدْ

مش هو ده الحب اللي قالوا عليه ؟!!

لما جوانا نداريه وعن أقرب الناس نخبيه

وحتى العين تخاف لا الحب يظهر عليه

مش هو ده الحب اللي ياما زمان قالوا عنه كتير كلامْ ؟!!

وزيه مفيش فى الأفلامْ

الحب اللي عشانه نواجه الريحْ

ولا يتهز لموج ولا مراجيحْ

الحب اللي بجد بيتولد فى النورْ

ولا عمره لحظة يعيش مكسورْ

هو ده الحب اللي بجدْ

مش الحب اللي بيعيش بس يستنى الظلامْ

 عشان يشكي أوجاعه والآلامْ

الحب اللي بجد أوجاعه هي اللي تقويه

مش تكسَّره وتضعف كل ما فيه

الحب اللي بجد بيطلع للناسْ

ويعيش طول عمره يوصف الإحساسْ

مش يشوف الناس ويخاف أحسن يعلنوا الخبرْ

وتبقى مصيبة فوق الراسْ

اللي يحب بجد هيدخل البيت من بابه

ويسلم على أصحابه

ويقول ويوصف حبه ما هو اللي عندهم جابه

ما هو كده هيكون شاري

لا قدم وعود خفيه ومحدش كان بيها دارى

نصيحة مني في النهايه عشان تكمل كده الحكايه

قدموا الطاعة لله والخير هيكون فى النهايه

عشان الحب يعيش بجدْ

وقلوب كده تاخد وعيون تردْ

من غير خوف أو حد فى يوم يصدْ

حسام أمين محمد (أمير الإحساس)

1- مــحبـــــوبــتـــــــــــي

سـَـــألوني كثيرًا عنْ التي أهواها

ما اسمهــا ؟ صِفهــا لنا ؟ وكـيف هواهَـــا؟

فقــلـتُ هـــــي السـعـــادة أينــما ذهـــبتْ

تبـهـــج ُالـقـلـــــوبَ مــــن رؤيــــاهـــا

هــــــــي الـشـــمــــس ُالمـــشـرقـــةُ

أينـــما حــــلـَّتْ أضــــاءتْ من حولـها دنيـاهـــا

هــــــــي كـــالــقـمــر المــنير تــشـق ظــلامَ الليلِ

فيهتــدي النـــاس بهـداهــا

هـــــــي كــلـمــاتُ الـــهــوى يتبـادلُهـا

الأحــبةُ فـتذوب القـــلوب مـن معنــاهـَــا

هـــــــي القبلةُ الحانيةُ بهمس بها الحبيب على

جبين حبيبته .... ما أحـلاهــــا !!

هــــــي بين نساءِ الكون كــواسـطـةِ الــعقدِ تـمحو

من جـمـالهـا كــل ما  تلاهــا

هـــي الحـــبُ .... هـــي الحـنـانُ .... هــي الـجمـالُ

وتسألوني لمــاذا أهـــواهــا !!

أرأيتُمُ ســواد الليل فهذا شــــعرهــا

أرأيتُمُ مياه النيل فهـي عينيهـا

أرأيتُمُ نـَـقــاء الثلـــج ففي جــبينهـا

أرأيتُمُ حـُمـرة النار ففي شفتيهــا

أسمعتُمُ أنغام الشرق فهي ضحكتها

أرأيتُمُ جمـــال الـــورد فمن خديهــا

وكــمـوج نــهر اسـود يسيل شعرهــا

فـــوق الـجـبين يــداعب عــينـيهـا

وكــسيــفـي نــزال تبــرُز حــواجبهـا

أعـــلى العــيون الـزرق... ما أحلاهــا  !!

قـالـــوا: كفى ! كفى ! قــلت:  صــبرًا

فلم يزل في الوصف كلمات سمت برقتِـهـا

قالوا: إذن فصِفْ ولا تبالغ ؛

قلت أخشى أن أكون َمقصرا في حق وصفها وذكرها

أتــدرون مـا الــسحــر؟ فــالـسحـــر فـــي عـينيهـــا ؛

آه ثـم آه مــن عـــيـنــيهــا

عــــيــنــاها ؟!!

والـلـه إنى لعـــاجــز

عــن وصــف جــمــالـهـا وحـسـنهـا ومرآهــا

عــيناها كبئر عـذبٍ وسـط الـصحراءِ

يتسابقُ الناس ليرووا ظمــأهُـم ْبمياهِـــهِ

ولـــــــو خُيـرتُ فــي وطــن لـعيني

لاخــترتُ أن تــكون هــذى الــعيونُ مـثواهـا

مـحبــوبتــي هــي مــن يستحــي القـمــرُ منهــا

إذا مـــا خــَـرَجَ فــي ليلـــةٍ ورآهـــــــا

فـــكيـــف يــخـــــرج لــينيـــر الـــكـون

وقـــــد وجـــــده مــنــــارا بـــضيـــاهـا ؟!!

مـحبـــوبتــي هـــي نــــــــــورٌ مـــــن الــسـماءِ

نـــــــزلَ  ليضيء علــــى حـياتــــــي

هــــــــي هــبـــة مـــن الــــرحــمــــنِ

أهــداهـَــا إلـــىَّ لــيخــفـفَ عنــــي مـعـــانـَـاتـــي

هـــــــي مــــن فــي سباقِ الجمـــالِ عــلت

وأضاعتْ بحوارهـــا كــــــلَ الــجميـلاتْ

فـــكـــأنهـا ملكـــةٌ متــوجـــة ٌعلــــى عـــرش الجـمالِ

وهنَّ من حولها الوصيـفاتْ

هـي مــن إذا ضحكـــتْ

رقـَـصَـــتْ عـصـــافـيرُ الـــكــون مـــن نـــغــم الـضحـكاتْ

هـي مـن يستحيلُ معها الشتاءُ ربيعا ناعما

إذا ما خرجتْ تسيرُ في الطرقاتْ

هـي حـُــب عــمــري ... هــــــي نبض قلبي

هــي قَمَـــري ... هـي مسكُ حياتي

قــــلت: تــلــك محبوبتي ؛

فـمـاذا تقولــــونَ فــي التــــي أعشقهـــا وأهواهـــــا ؟

قــالـــوا:  ألنــــا كــــلام بعد ما سمعناه ؟

هـــنيئــا لــه مـن فاز بقلبها وهواهـــــا

فــلــلــه صــــلِ واســجـــدْ لــمـــن حــبــاكَ إياها

ولــمـــن بكلِ هذا الجمــــالِ حباهــــا

شيماء حامد بحر زايد

1- إرهاب بلا أسباب

شيماء حامد بحر زايد

2- أختاه

أختاهُ رأيتكِ الحجابَ فارفعي

هذا العدو يريد نصحك فاسمعي !!

إن الحجاب تخلف وبداوةْ

وما يزيدك إلا عناء وشقاوةْ !

هيا هيا لهذه الخيمة ارفعي

اظهري الحسن ... تعالى معي

أترين هؤلاء؟؟

كل منهم يريد منك لقاءْ

ويقف على عتبتك ويقسم بالولاءْ

يحمل لك بسمة  وهديةْ

وشوق وأحلام ورديةْ

هيا هيا .... فلتدخلي

وبجمالك لا تبخلي

لا  لا ....انتظري يا أختاه

انتظري فإني لك من الناصحينْ

وستجديني عليك والله أمينْ

قفي لحظة....لأُريكِ ما يحدث خلف الستارْ

وأُريكِ هذا الزيف في وقع النهارْ

هذه الأصواتُ التي مدحتكِ

والله ما أراها إلا امتهنتكِ

أترضين أن تصبحي مجرد صورةْ

تباع بها سلع تحت الأقدام منثورةْ

أم تريدين أن تكوني هدية بين الرفاقْ

يهديها أحدهم لصاحبه كلما اشتاقْ

لا يا أختي أنت أغلي من هذا لدينا

أنت سلاح فليكن لنا لا علينا

حسبك في دينك أنك أبيَّه

لست سلعة ولا مستذلة بل طاهرة نقيةْ

ألا ترين أن اللؤلؤة  تحفظها المحارةْ

ليست المحارة بجميلة .... ولكن ؛

اللؤلؤة بداخلها مصانة

أميرة في علياءها

من يزايد على احترامها وعلى حيائها

بل أن من يطلبها لابد أن يبدفع المهورْ

ويسافر لأجلها ويعبر حواجزا وبحورْ

يطلب من وليها الرضا ويتمنى منها القبولْ

حتى تصبح لبيته سيدت ولقلبه طهورْ

تُرافقهُ أمدا على مر الدهورْ

زوجة وحبيبة وسكنا ونورْ

فاتركى أختي هذا الزيف المغولْ

ولا تنخدعي بالكلام المعسولْ

صفوت ربيع أحمد عبدالناصر (أبو عمار السويفي)

1- شفتها

شفتهـــا بعد فراق السنين

شفتها والضحكه مرسومه على الخدين

شفت حبيبى وازداد فى قلبى الحنين

ودق قلبى دق اشبه بالرنين

فرحت عينى برؤيه اجمل الحلوين

برؤيه عيونك اجمل من القمرين

وجات عيونى فى عيونك لحظتين

حسيت بالخجل والفرحه من نظرتهم الحلوين

اتمنيت لو اشوفك والمس ايديكى الناعمين

وقعد معاكى واكلمك كما العاشقين

واسرح معاكى فى دنيا الهايمين

فبحبك عزيزتى اصبح ملك على المحبين

صفوت ربيع أحمد عبدالناصر (أبو عمار السويفي)

2- قضية شعب

ما تقولي يا حماس وأنتي يا فتح إيه

ليه كل ده متقولى ده كله ليه

السلطة ولا المناصب ولا الفلوس ولا إيه

ولا زى ما بتقولوا اختلاف أراء واشي أبصر إيه

ولا دى أوامر جايه من سعادة البيه

سيبتوا العدو وحاربتوا في بعض ليه

سيبتوا الجماعة واهتميتوا بالنفس ليه

نسيتم وصية النبي واللى قال عليه ؟!

اللي يحارب أخوه ويقتلوا دا جزاءه إيه

والصهاينة زمان بدأوها بأيه

دول زمان بدأوها بشراء الأرضْ

ودلوقت هما بيهتكوا العرضْ

وبكره عندهم كذا ألف فرضْ

يقتلوا ولا يذبحوا ولا يحاصروا الأرضْ

ولا يمشوا في الأرض فساد ويقتلوا البنت الصبيه

ويحاصروكم ويذلوكم ومعاهم نصره قويه

ويقطعوا المعونات والكهرباء والميه

ويسيبوكم في أزمه قويه

ويطلبوا من الحكومات العربيه

يفتحوا الحدود المصرية

وفى سيناء وفى بيوت بدويه

استقبلوكم فى ضيافه حفيه

ودلوقت بتقولوا استنوا شويه

سيبونا نقعد فى سيناء المصريه

سبتوا القدس وغزه والضفه الغربيه

وإسرائيل كل يوم تقتل منكم ميه

عايزين اتحاد بين الحكومات الفلسطينية

بين حكومة عباس وهنيه

وضد إسرائيل والعالم نقول كلمه قويه

فلسطين أرضنا  

زى ما قال ربنا

   في الكتابات السماويه

صفوت ربيع أحمد عبدالناصر (أبو عمار السويفي)

3- يا رسول الله

صفوت ربيع أحمد عبدالناصر (أبو عمار السويفي)

4- قلب العروبة مات

فينك يا قلب العروبه  

فينك يا عقل العروبه 

ليه قتلوكى يا عروبه 

ليه قتلوكى يا عروبه

قلب العروبه عقل العروبه

كل شئ مات

ذهب العرب

وقفوا بعيدا ً ينظرون  فى سكات

راحوا ينظرون  على من يناضل فى ثبات

لا يحاولون التكلم

حتى أصبنا بعاهات

نظروا قديما للقدس حتى سكتت الكلماتْ

سكت اللسان حتى انفجر القلب بالآهاتْ

واليوم أصبحنا ننسى أن القدس وغزه

بلاد عربيه

جاء بالأمس العدو لينتزع منا بغدادْ

خاف العرب وسكتوا وبقينا فى حدادْ

وإذا أراد احد منا ان يدخل الجهاد ....

صوب إليه مدفعا َ ومن العرب يأخذ المددْ

واليوم فى لبنان يقتل أبرياءْ

ومقدورنا أن نسكت ونلتزم الدعاءْ

وجاء الدور على دمشق العربيه

قذفوها وقتلوا أطفالها الذكيه

ضربوها بالليل وهم نيامْ

ضربوها بحجه الإرهابْ !!

ما أبشع الإرهاب يا صفه الذئابْ

لا يأتي من وراءه سوى حرب وخرابْ

يأتي المرء وعلى عينيه الضبابْ

يا له من غبي يا سوء الصوابْ

من ذا يرد على ويعطيني الجوابْ

فبالله عليكم من هم الإرهابْ

رد علي سريعا ً ومنهم لا تهابْ

هم قوم يقولون نحارب الإرهابْ

ما بكم يا عرب يا طول الغيابْ

ما بكم يا عرب يا طول الغيابْ

مصطفى سعيد محمد عبدالحميد (أبو حبيبه)

1- ألم

وحيدٌ.. حزينٌ

في ردهة ِالمبنى

شاردٌ.. تائهٌ

أتطلعُ حولي

أنظرُ.. أبحثُ

أشدو وحدي

عيني تدمعُ

قلبي يخفقُ

مكسور الرأسِ

بجروح تدمي

أتوجع ألماً.. أبكي دماً

أسقط ضائعا

والصمتُ يدوي !!

مصطفى سعيد محمد عبدالحميد (أبو حبيبه)

2- هكذا الحب

بعدَ مغيب ِ الشمس

جلستُ وحدي

وقد ألقى الليلُ بثوبِهِ الأسود على وجهي

ناظراً للنجوم وأنا أبكي

شاكيًا لها حالي وضعفي

ذاكرًا لها معاناتي في حبي

ومأساتي ولوعة قلبي

على حبيبٍ منحتُهُ حياتي

فخدعني ومضى وتركني

قالت النجومُ: وما حملك على هذا

قلت: أحببت وما بيدي

أحببتُ فبعت عمري

أحببتُ فنسيت نفسي

قالتْ أوما كنت تدري؟

كم ضَاعَ في الهوى  ونٌسي؟

نتيجة الحب الٌمؤسي

قلت لها ما كان بعلمي

غير أنني كنت تائها

وأحببتها فصارت وطني

فديتها بروحي ودمي

منحتها حناني وعطفي

وفيت لها وخذلتني

بعد أن صارت لي كأبي وأمي

قالت: النجوم كفى لا تبكي

فهكذا الحب مؤذي

قلت لها: وما ذنبي

أريد مُهجة َ قلبي

ولن أرضى ببديل ٍ ينسي

ما كان من حبٍ وهمسِ

وشغفٍ برؤية نفسي

في مرآة حبيبي وأٌنسي

ومهما طال الدهر بي

وإنْ هي لمْ تنتظرني

سأطرُدُ وأقاومُ همي

منتظراً عودة َ حُبي

وسأعيشُ ...

وهذا أملي !

مصطفى سعيد محمد عبدالحميد (أبو حبيبه)

3- حريتك حياتك

ما أقسى تلك اللحظات

التي يتجرع فيها الإنسان كأس المرارْ

حين تهانُ كرامَتُه

حين تضيع هيبتهُ

حينها..

يموت ألف مرة ٍفي اللحظه

ويموت معه كل شئ ٍجميلْ

ويضيع أمله الطويلْ

وتصبح دنياه جحيماً

ذهب صبره

ذهبت مشاعره

كأنها ذرات في ريح عاصفه

ماذا يبقى للإنسان

حين تهدر كرامته؟

حين تٌفقد حريته؟

ماذا يبقى له؟

ترى ما شعوره حين يحدث كل هذا؟؟

من أقرب الأقربين له !!

الذين هم حياته...

وأكبر ذكرياته...

ترى ما شعوره؟؟

ترى لو ملكت الذهب

ولم تملك الغذاءْ؟!

هل تعيش؟؟!!

ترى لو منحتك الأموالْ؟؟

وسجنتك معها؟!

هل تنفعُكْ؟؟!!

وزيادة ً على هذا..

ستنال من الإهانات ما لا تطيقه

ومن الإنهاك ما يميتُك

وتفقد صبرك َ

وتفقد شعورك َ

وتصبح إنساناً مجردا من الأحاسيسْ

ترى بعد فقد كل ذلك

هل تعود لك حياة؟

ليس هناك أغلى من حريتكْ

وقودُك للحياه ..... هوائك للتنفسْ

وأكثر بما لا تستطيع وصفُه الكلماتْ

حريتكْ .... حياتكْ

فلا تفرط فيها

وحافظ عليها

وتذكر .... حريتكْ .... حياتكْ !!

مصطفى سعيد محمد عبدالحميد (أبو حبيبة)

4- آلام الصمت

ترى ما شعوركْ؟؟

حين أقذفُ بك من أعلى قمة

إلى أعمق قاع

وتظلٌ صامتاً

صامداً !!

وما شعوركْ

حين أطعنك بأحدّ رمح ٍ

وأُخرجُهُ وأعيدُ الطعنََ

حتى تميتك جروحُك

بماذا أفادك صمتُك؟

وما شعورك؟

حين أمنعُ النوم من عينيكَ

حين أسلبك حقكَ

حين أُفقدك حريتكَ

أتظل صامتاً؟

صامداً؟!!

كلا كلا  !!

عارٌ عليكَ وأنت ابن الأكرمينْ

ابن صلاح الدين وحطينْ

أنسيت َتاريخ أجدادكَ ؟

أنسيتَ تاريخك العظيم؟

كلا كلا !!

قُمْ وأكسر قيدَك

قُمْ وأستعد حقَك

قُمْ ودمر عدوك

قُلْ لي..

بماذا أفادك صمتُك؟

لقدْ زادَ من ضعفك

وبعدك عن أهلك

ووطنك ..

ذكرياتُ الطفولة السعيدة

جُدران بيتك

التي شهدت مَرَحَك

وطفولتك

قُلْ لي

إلامَ تظل صامتا  ؟! ً

ولا تقل أنك صامد ٌ

بل صامتٌ

بماذا أفادك صمتُك؟

الذي دلل على عجزك

تُرى هل تستعيد قوتك؟

وتنطلق انطلاقتك ؟؟

وتواجه صعوباتك ؟؟

وتستعيد مجدك ؟؟

تُرى ..............؟؟

هناء محمد محمد محمود (أميرة الحب)

1- نويت أتوب

هناء محمد محمد محمود (أميرة الحب)

2- حوار مع قلبي

القلوب تتلاقى والفكر يحتارْ

للحب مشتاقه بس البحر غدارْ

الوجوه بتتلون و أنتَ مين تختارْ

مين بيحبك بجد و مين هيسيبك ف نارْ

يا ترى تقدر تميز ولا هتسلم وتنهارْ

هو أنت أصلا بتفهم و لا ماشي مع التيارْ

رد عليا يا قلبي ولا كلامك منك طارْ

أنت شايف إن هو دا بجد ولا غلطت في الاختيارْ

أوعى تكون فاكرها مسرحية تضحك وينزل الستارْ

لا يا قلبي مش دا اتفاقنا دا إحنا بينا كلام كبارْ

قلت لك ابعد عن الحب و كنت بفهمك ليل نهارْ

علمتك إن الحب عذاب و أنا مش عايزاك تعيش في نارْ

قلت لي أنا واثق منه و أنا هشرحلك باختصارْ

دا هو اللي جاني وقالي أنا عايز سوا نكمل المشوارْ

و كان صادق في كل كلامه و بقى هو الشخص المختارْ

يعني أنت متأكد يا قلبي ولا كله هيطير زي الغبارْ

أنت كدا بتقول كلام خطير والحكاية جد مش هزارْ

خايفة تكون سلمت لكلمتين و عشت مع كلام الأعشارْ

لا..دا زي المثل ما قال خليك مع الغدارْ

و اصبري عليه لغاية ما يوصل لباب الدارْ

ساعتها هتعرفي إن قلبك عمره ما يغلط في الاختيارْ

هناء محمد محمد محمود (أميرة الحب)

3- حكاية بنت مع سنين الكلية

صاحبتنا كانت بنت ذكية كلها نشاط وأمل وحيويه

بجدارة خلصت الثانوية بمجموع 98%

الدنيا في عنيها كانت ورديه والأحلام بين إيديها كانت بتصبح واقعيه

و بكل ثقة وعزيمة قويه بدأت تشق طريقها واختارت الصيدلة كليه

و بدأت السنة الأولانيه قررت تثبت وجودها وتعمل نتائج مش طبيعيه

حضرت محاضرات التحليليه و منها على معامل العضويه

و مسكت كتاب العقاقير وبعده الصيدلة الفيزيائيه

بدأت البنت تتعقد وتنهار قواها العصبيه

و الامتحانات خلاص قربت ولازم تكون مستعديه

و حاولت يا عيني تتماسك لكن طلعت بنتائج مش اللي هيا

المهم أهي عدت السنة الأولانيه

و بدأ عام جديد وبقت في الفرقة التانيه

حبت تعالج عيوب سنة أولى وتداوي جراحها النفسيه

و مش مشكلة عدت سنة والعبرة في السنين اللي جايه

لكن دخلت في نفس الدوامه وتاهت في دهاليز الكليه

ما هي الكتب أيوه بتتغير بس الأنظمة هي هي

هما مش عايزا نفهم كل اللي يهمهم النتيجة النهائيه

يعني شوية حبر على ورق وصيادلة ملهمش أهميه

ولقت الكل رافع شعار وليه مبدأ في الكلية

كبر دماغك عن المحاضرات واحضر السكاشن العمليه

و في الآخر ننقذ ما يمكن إنقاذه المهم أعدي من غير ما أشيل حاجة في إيديا

و على المبادئ دي عدت صاحبتنا السنة التانيه

لكن نست طموحاتها وكل أحلامها الورديه

و عادي دخلت سنة تالته زيها زي أي سنة معديه

لكن حست إن المواد صعبه ومش هتعدي بالسهولة ديا

دلوقتي بتاخد فارما وميكرو وحجات متنقيه

البنت تعبت تاني والضفادع كان ليها آثار جانبيه

خلاص مش قادرة تتحمل ولا عايزة تكمل السنين اللي جايه

يا عيني جالها اكتئاب وساءت حالها النفسية

بتشوف البيو في كوابيس وتصحى مفزوعة من الفجريه

بتمشي تكلم نفسها وتضيع في ممرات الكليه

لغاية ما في يوم اتصدمنا وحصلت مفاجأة مش طبيعيه

البنت وقعت من طولها وغابت عن الدنيا ديا

نقلناها المستشفى وقلنا هتفوق بعد شويه

لكن الموضوع طول وحصلت نتايج سلبيه

دي دخلت في غيبوبة و ماتت وهي لسه حيه

دي كانت مأساة واحدة وغيرها كتير في الكليه

العيب يا ترى فينا ولا في الأنظمة الروتينيه

يا ترى إحنا مهملين ولا الكتب بجد غبيه

إحنا بجد فاشلين ولا العيب في الطرق التدريسيه

يا ترى حد هيسمع شكوتي ولا دي مأساة أبديه

بتمنى كلامي يوصل لحد و أستعيد حقوقي المنسيه

بتمنى نوصل بجد و نتميز بين البشريه

هناء محمد محمد محمود (أميرة الحب)

4- مفهوم الحب

لو كان الحب كلمات تكتب ...

لكنت أكثر من خط فيه الكتب والدساتيرْ !

لكنه أرواح تتآلف وقلوب تتلاقى

وشعور يخالجُ النفس يبدو أنه خطيرْ

هو تضحية وإيثار وفاء وإخلاص

وفعل المحب لمن يحب كثيرْ

هو نسيم صباح عليلْ

يحمل من المسك أزكى عبيرْ

هو نظرة الجمال .... وحلم أصبح صعب المنالِ

أعيشُ عمري فيه أسيرْ

يجتاحُ النفسَ ولا يطرقُ الأبوابَ ليعيد أملا ً

في الحياة قد خاب وأشياء كثيرة لا أجد لها تفيرْ

لكن حصرنا معناه في ولدْ

وفتاه ثم عجزنا عن التغييرْ

صارت الدنيا بمفاهيم غريبة

وأصبح الناسُ في حالةِ تخديرْ

اختلطتْ في أعيننا المعاني وصرنا غريبو الأحوالْ

وغابت عنا كثير من الخصالْ

وقلت أمامنا التدابيرْ

فأصبحت أعيش في الدنيا غريبا لي فيها

فكر خاص بي كأني جزء من الأساطيرْ

أحاول نشر المعاني الحقيقية

وأوضح المناهج التي عليها أسيرْ

فاتهموني بالتصنع أو أني أعيش في الوهم

وكان النفاق هو آخر تفسيرْ !!

أردت أن أقول أن لحبٍ مدلولٍ

لم يدخل تحت قوائم التسعيرْ

زرعهُ الله في القلوبِ ليشملَ شتى الدروبِ

ويجعل لنا به من ظلمات الحياة تحريرْ

فلماذا نحيا بدونه ونجعل دمع الألمِ

يجري على خدودنا كالجدولِ أو كالغديرْ ؟!